Li Elmanya Hannoverê Kurdistanî li ber gara trênê, berêvarî hatin cme hev û serdegirtina polîsên Hannoverê ya bi ser Navenda Civaka Kurd a Demokratîk (NCKD) de  şermezar kirin.

Di çalakiyê de YDG, Ciwanên Azad Hannover, komunên jinan ên Kurd, Meclîsên Jinan ên Kurd, NAV-YÊK, saziyên çepgir, alîgirê ATÎF Hannover, MLPD’ê û saziyên antî faşîst jî hazir bûn.

Ciwanan pankarta ‘li dijî terora dewletê bersiva me berxwedan e’ bi meşê de vekirin.

 ‘EM MEYDANÊ VALA NEHÊLIN’

Berdevkê NAV-DEM’ê Altûn Bîschoff bal kişande ser serdegitina NCKD’yê ya bi daxwaza dewleta Tirk û got Kurdên ku li Elmanya dijîn hedef têne nişandan. Bîschoff got polîsên AKP’ê li Hannoverê deşifre bûne û got, ‘’li dijî zextkaran em meydanê vala nehêlin.’’

Her wiha ATÎF Hannoverê jî bi axaftinekê piştevaniya xwe diyar kir.

Çalakger heta bi qereqola polîsan a Hannover Kurt-Schuhmacher’ê meşiyan û zexta li ser komeleyên Kurd şermezar kirin.