Li bajarê Elmanya Frankfûrtê, Platforma Zagros li dijî darvekirina girtiyên Kurd ji aliyê rejîma Îranê ve, mîtîngek lidar xist.

Mîtîngê duh saet di 15:00 de li Frankfûrt Haûptwache destpê kir, pankarta bi nivîsa "Bes ji îdamên li Îranê re" hat vekirin û wêneyên girtiyên Kurd hatin hilgirtin.

Di mîtîngê de bê navber dirûşmên "Kujer Îran" û "Li hemberî îdaman bêdeng nemîne" hatin qîrîn. Der barê îdaman de belavokên bi zimanê Elmanî hatibûn amadekirin, hatin belavkirin.

Çalakiyê heta saet 17:00 dewam kir.