Şehîd Sînem Arslan û Umît Acar li bajarê Essen ê Elmanyayê hatin bibîranîn. Bîranîn bi beşdarbûna Kurdistaniyan li Navenda Civaka Demokratîk a Kurdistanê pêk hat.

Merasîma bibîranê ji bo bîranîna şehîdên têkoşîna azadiyê bi deqîqeyek rêzgirtinê destpê kir. Piştre li ser navê Saziya Malbatên Wenda û Şehîdan (KOMAW( Mehmet Surucî axivî û wiha got; “Heta dijminê me bi vî rengî û bi vî karekterê wehiş hebe em ê hê şehîdan bidin,dîrokê ev erka daniye ser milê me ku em vî dijminê wehiş û hov ji holê rakin û cîhanê ji nav destê wî rizgar bikin ,da ku em jî mîna her kesî bijîn.”

Li ser navê Meclîsa Jinê ya Bêrîvan Şengalî, Dayika Fatîke  axivî  û got; “Divê gelê Kurd bibe yek û destê hev bigre. Ev 3 meh in ku ez li Tirkiyeyê bûm ,rewşa welat qet nebaşe girtîgeh ji mirovan tejî kirine. Ji ber ravekirina ramanên xwe li ser tevnên civakî kes tên girtin. Cih li mirovan teng dikin û bi vî awayî nahêlin gav bavêjin.”

Xizmê  Şehîd Sînem Arslan Yilmaz Gultekin jî axivî û qala Arslan kir; “Şehîd Sînem ji malbatê ne şehîda yekemîn bû ew şehîda 12’emîne û em bi şehîdên xwe serbilindin. PKK partiya şehîdan e û vêya gelê me baş dizane. Çiqas em şehîd bidin rêxistina me bi min ewqas şirîn dibe. Em bi şehîdên xwe serbilindin."

Merasîma bibîranê bi xwendiha helbesta Hunermend Kawa Aktaş a bi navê Umît Acar bi dawî bû.

 UMÎT ACAR 

Dîsa dîrokê xwe dûbare kir

Cîhanê xwe ker û kor û lal kir

Dipirsim ma gelo kanî wijdan

Dewlet dibin yek li serê Kurdan

 

Ma li ku maye mafê mirovan

Ku ew pêşwazî dikin  Erdogan

Şewata Umît Acar yê ciwan

Dibêje: bê Apo nabe jiyan

 

Kurê Êlîhê Umît Hêvîdar

Te bêdengî perçe kir,watedar

Hişyar bûn bi te dilên razayî

Te hêz da ew çongên tirsiyayî

 

Ev neyar çidike bila bike

Kurd ticarî serî daqûl nake.!

Her şad be giyanê te ey heval

Bi şehadeta te bilind e al