Kurdistaniyên li Ermenîstanê yên ji Oktonberiya, Aboviyan, Akbaran û Êrîvanê ji bo rojbûna Rêberê Gelê Kurd Abdullah Ocalan hatin cem hev û bi bernameyekê salvegera 69’an a rojbûna Ocalan pîroz kirin.

Pîrozbahiya li paytext Erîvanê ji aliyê Komîteya Kurdistanê ve hate organîzekirin û bi deqeyeke rêzgirtinê ji bo bîranîna şehîdan dest pê kir.

Di pîrozkirina rojbûnê de axaftin hatin kirin û hate gotin 4’ê Nîsanê rojbûna Kurdan û hemû civkaên bidest e û ji bo Kurdan rojeke pîroz e.

Serokê Şêwra Kurdên Ermenîstanê û parlamentere kurd Kinyas Hemîn jî axivî û got, ‘’Heta ku Rêber Apo ranebû me kesî pak nizanibû bê ka em kî ne’’ û xwest ku 4’ê Nîsanê bibe wesîleeya azadiya Ocalan.

Seroka Komîteya Kurdistanê Jinîka Qadir bal kişande ser girîngiya Ocalan a ji bo jinan û got, ‘’Rêber Apo ji me jinan azadî ye, hêz e, qewet e’’ û destnîşan kir ku îro Li Reqa, Şengalê, Kobanê, Efrînê û hemû çiyayên Kurdistanê jin bi felsefeya Ocalan di dest wan de çek bi serbilindî şerê azadiyê dikin.

Piştî axaftinan helbesta Mirazê Cemal a ji bo Ocalan nivîsîbû hate xwendin, pasteya ku hatî hazirkirin dayik û bavê şehîdan ve hate birin. Piştî pasteyê jî bi stran û govendê bernameya pîrozkirina rojbûna Rêberê Gelê Kurd Abdullah Ocalan berdewam kir.