Bi tevlîbana Komîteya Kurdistan, Yekîtiya Kurdistaniyên Ermenistan, Yekîtiya Jinên Azad a Ermenistanê, Nûnerên Meclîsa Şengal a Ermenistan û Kurdistaniyên li Elegaz û Oktoberyanê dest bi çalakiya greva birçîbûnê ya bi 2 rojan dan destpêkirin.

Çalakiya greva birçîbûnê ya li Ofîsa Komîteya Kurdistan a li Êrîvanê destpê kir, li ser navê çalakvanan endamê parlemeterê Kurd ê Parlementoya Ermenistanê û Serokê Yekîtiya Kurdistanê Kînyas Hemît û Seroka Komîeteya Kurdistan Jinika Qadirî û endamê Meclîsa Şengalê Silo Diboyan axivîn.

Parlemeterê Kurd ê Parlementoya Ermenistanê û Serokê Yekîtiya Kurdistanê Kînyas anî ziman ku tecrîdekî pir giran li ser Ocalan heye û destnîşan kir ku ev 20 sal in di şexsê Ocalan de tecrîd li ser gelê Kurd tê kirin û got: “Dewleta Tirk dixwaze Kurdek li kû be wî qetil bike. Niha êrîşî Rojava dike. Dewleta Tirk çi bike bila bike, nikare li hemberî felsefe û ramana Ocalan bi ser bikeve. Em Kurdên Ermenistan tecrîda li ser Rêbertiya xwe şermezar dikin. Heta azadiya Ocalan wê têkoşîna me bidome.”

Seroka Komîteya Kurdistan Jinika Qadir jî got: “Divê di serî de Kurd û hemû cîhan tecrîda li ser Rêbertiya me qebûl nekin. Ji ber ku azadiya Rêbertiya me azadiya hemû Rojhilata Navîn û cîhanê ye.Dirboyan bal kişand ser lidarxistina Kongreya Netewî jî.

Endamê Damezrênerê Meclîsa Şengalê Silo Dirboyan jî bibîr xist ku heta azadiya Rêberê Gelê Kurd Abdullah Ocalan û şikandina tecrîdê wê têbikoşin.

Di çalakiyê de berxwedana Hevseroka KCD’ê û Parlemeter HDP’ê y Colemêrgê Leyla Guven û berxwedana li zindanan.