SAARBRÛCKEN

Li bajarê Saarbrûckenê Elmanyayê, Kurdistanî li ser bangên KCK, KCDK-E û TJK-E li hev civiyan û çalakî li dar xistin. Kurdistaniyên ku li pêşiya Galeriya Eûropa hatin gel hev ji bo Rêberê Gelê Kurd Abdullah Ocalan dirûşme qîrkirin û posterên Ocalan hildan.

HANNOVER

Li bajarê Hannoverê Elmanyayê jî Kurdistaniyan li pêşiya HBF çalakî li dar xistin. Komîteya çalakiyê banga tevlîbûna çalakiya ku heta seat 21:00’an didome, kirin.

Kurdistaniyên li Hannoverê wê çalakiya xwe sibê jî bidomînin. Girse wê sibê saet 1:00’an de li pêşiya sefaretxaneya Tirk mîtîngekê li dar bixin.

Îşev li bajarê Elmanya Berlinê li ber Alexander Platz Weltûhr û li bajarên Bonn, Dortmûnd, Essen, Dûîsbûrg, Munster, Bîelefeld, Hambûrg, Kîel û Oldenbûrgê jî li pêşiya HDF çalakî tên lidarxistin.

MARSÎLYA

Li bajarê Fransa Marsîlya jî ji bo tendirustî û ewlehiya Rêberê Gelê Kurd Abdullah Ocalan çalakî tê lidarxistin. Di saet 18:00’an de Ciwanên Azad li pêşiya televîzyona France3 Tv çalakiyek li dar xist.

Di çalakiya ku bê navber dirûşmeyên ‘Bijî Serok Apo’, ‘Bê Serok Jiyan Nabe’ ‘Ciwan Fedayiyê Apo’ ne hatin qîrkirin û belavok hatin belavkirin.

Kurdistaniyên li Marsîlyayê sibê saaet 18:00’an de li Qada Canabîerê wê meşekê li dar bixin.