Ji bo welatên Rojavayê Afrîkayê ku li dijî vîrusa Ebola têdikoşin, korîdora hewayî tê vekirin. Elmanya û Firansa diyar kirin ku dê bi sedan ton amûrên alîlkariyê bişîne Lîberya, Gîne û Sîerra Leone.

Wezareta Parastinê ya Elmanyayê daxuyaniyek da û diyar kir ku bi Fransayê re biryarek girtine û dê alîkariya tibî bidin welatên nexweşiya ebola lê belav bûye. Balafirên kargoyê yên leşkerî yên Elmanyayê û bi nêzî 100 leşkerî re dê korîdora hewayî bê vekirin û amûrên tibî bên şandin.

Li gorî vê artêşa Elman dê 100 ton alîkarî destpêkê bişîne paytexta Dakar a Senegalê û ji wir jî bişîne welatên din. Wezaretê got ku Elmanya dê li Lîberyayê û Fransa jî dê li Gîneyê nexweşxaneyeke qadê ava bike.