Navenda Çapemeniyê ya YPG'ê diyar kir ku di operasyona li rojhilat û başûrrojhilatê Cezaayê de 15 çeteyên DAIŞ'ê hatine kuştin û herêma hedef hatiye girtin ji çeteyan hatiye paqijkirin. Di şer de 3 şervanên YPG'ê jiyana xwe ji dest dan.

Navenda Çapemeniyê ya YPG'ê da xuyakirin ku hêzên wan duh bi şev li rojhilat û başûrrojhilatê Cezaa'yê li hemberî çeteyên DAIŞ'ê operasyonek pêk anîne û di operasyonê de çeteyên li navbera gundên Ekreş û Sefen, her wiha yên li gundên Kenhu, Qasidiya Biçuk û Mîsterîha hedef hatine girtin. 

Di daxuyaniyê de ev agahî hat dayîn: "Hêzên me baregehên çeteyan kirine bin kontrola xwe û herêmê ku hatiye hedef girtin ji çeteyan paqij kirine. Hêzên me koma çete ku ji bo alîkariyê hatiye jî kir hedef û têk bir. Di vê operasyonê de herî kêm 15 çete hatin kuştin. Hêzên me wesayitek, 4 keleşnîkof, 2 roket-avêja B7, 2 BKC, bêtêlek mezin û 2 dûrbîn û gelek cebilxane û alavên leşkerî desteser kirine. Her wiha termên 2 çeteyan jî di kontrola hêzên me de ye. 

Di vê çalakiyê de, 3 hevalên me bi ruhekî fedaî û qehremanî şer kirine û şehîd bûne."