Li paytexta Belçîka Brukselê desteserkirina şaredariyên Kurdistanê ji aliyê dewleta Tirk ve, li pêşiya Konsolosxaneya Tirkiyeyê bi çalakiyekî hate protestokirin.

Li pêşiya konsolosxaneyê daxuyanî hate dayîn û hate diyarkirin ku di encama polîtîkayên şer ên desthilatdariya Erdogan ê faşîst li dijî Tevgera Azadiya Kurdistanê dimeşîne de krîza aborî, îflasa siyasî, rizîbûna civakî çêbûye û Erdogan ji bo parastina desthilatdariya xwe darbeya qeyûm dike.

Di dewama daxuyaniyê de wiha hate gotin: “Erdoganê faşîst bi polîtîkayên xwe yên qirêj û pêkanînên bêhiqûq li dijî hemû bindestan bi taybet li dijî gelê Kurd sûc kiriye. Gelê Kurdsitanê li dijî darbeya qeyûmê bi berxwedaneke mezin wê faşîzma Erdogan bêbehn bihêle û biavêje çopa dîrokê. Em Kurdistaniyên li Belçîkayê dijîn, bi gelê xwe yê li Esenyûrt, Mêrdîn, Êlih û Xelfetiyê li ber xwe didin re li qadan bin.”