Ji biçûkan heta mezinan her kesî berê xwe dan Qada Kartalê û bal birin ser vî tiştî ku wê encamên bi guman ên referandûmê nas nekin û heta ku hilbijartin betal bibe wê li kolanan bin.

Encamên bi guman ên referandûmê li Beşîktaşê tê protestokirin. Girse di roja 7’emîn a protestoyê de hatin gel hev û ji bo betalkirina referandûmê meşiyan. Di meşê de pankartên “Bila referandûm were betalkirin” û dovîzên “Na, em li vir in, naçin tu derê” û “Na, hê neqediyaye, hê nû dest pê kiriye” hate hildan û sloganên “Em ê te nekin serok”, “Em bi ser ketin YSK’ê dizî” hatin berzkirin. Mirovên li wê derê jî bi lêdana korna û beroşan piştgirî dan meşê.

Girse ligel tilîlî û pîspîskê hate qada Kartalê û bi qewlê ku sibê di saet 15.00’an de li Kadikoyê di meşa ji Şaşkinbakkalê heta Qada Îskeleyê de dîsa bicivin, ji hev belav bûn.