Li Berlînê wê sibe bi dirûşma 'Stopp Erdogan' çalakî bê lidarxistin
Li paytexta Elmanya Berlînê, çalakiyên tevger û saziyên Kurd, Tirkiyeyî û Elman ên li dijî faşîzma Erdogan dewam dikin.
Tê payîn, meş û mîtînga sibe bi beşdariya bi hezaran kesî pêk were.
Çalakî wê saet di 14:00 de li Platz des 18. Maerz bê lidarxistin û nûnerên HDK-Ewropa, NAV-DEM, Meclîsa Jinê Dest-Dan, tevgera çep a bi navê Interventionistiche Linke û siyasetmedarên Elman jî tevlî bibin.
Meş û mîtînga sibe di çarçoveya çalakiyên bi şiyara "Stopp Erdogan-Erdogan rawestînin" tên lidarxistin. Di çalakiya sibe de Parlamenterê Partiya Çep a Elman (Die Linke) Jan van Aken û li ser navê Yekîtiya Rojnamevanên Elman (dju) a ser bi konfederasyona Ver.di Jorg Reîchel wê baxivin. Li ser navê Akademîsyenên ji bo Aştiyê, wê nûnerek li vê çalakiyê baxive.
