Li Behra Egeyê du botên penaberan binav bûn: 16 penaberan jiyana xwe ji dest dan
Li Behra Egeyê ya di navbera Tirkiye û Yewnanistanê de du botên penaberan binav bûn û di encamê de 16 penaberan jiyana xwe ji dest dan.
Li gorî agahiyên ku hatine bdestxistin li peravên navçeya Ayvacik a Çanakkaleyê boteke penaberan binav bûye.
Li cihê bûyerê cenazeyên 9 penaberan hatine dîtin û 25 kes jî hatine rizgarkirin. Hate ragihandin ku zarokeke 4 salî jî winda ye û xebatên lêgerînê berdewam dikin.
Roja Pêncşemê li Girava Mîdîllî ya li Behra Egeyê jî bûyereke heman rengî rû da. 3 jê zarok û 3 jî jê jin bi tevahî 7 penaberan jiyana xwe ji dest daye.
23 penaberên Efxanî û Sûriyeyî yên hatine rizgarkirin jî ji navenda penaberan re hatin sewqkirin.
