Festîvala ku duh hatî lidarxistin bi deqeyek rêzgirtin û Koroya Zarokan a Koma Sara dest pê kir. Piştre Hevserokê Meclîsa Sûriyeya Demokratîk Şêx Riyar Derer axivî.

Derer diyar kir ku silavên gelên Rojava û Bakurê Sûriyeyê ji wan re aniye û ragihand ku têkoşîna di bin pêşengtiya YPG û YPJ'ê a li Bakurê Sûriyeyê nêzî serketinê ye.

Derer wiha domand; "Di encama bedeldayînê de azadiya Rojava û Bakurê Sûriyeyê nêz e, têkoşîna li Rojava û Bakurê Sûriyeyê bi felsefeya Rêberê Gelê Kurd Abdullah Ocalan gihiştiye serketinê."

Nûnerê Roja Sor a Kurdisanê jî axivî û banga piştgiriyê kir.

Parlamentera Partiya Demokrata Sosyal a Parlamentoya Eyaletê (SPO) Tanja Wehsely û Parlamentera Parlamentoya Neteweyî a SOP Katharîna Kûrcharowîst, Parlamentera HDP'ê ya Wanê Tûgba Hezer jî axivîn.

Di festîvalê de Hunermend Rojda, Serhado, Alî Baran, Alî Gavan, Koma Arîn û Grûba Folklorê ya Govenda Kurdî ya Viyanê ji derketin ser dikê.