Li Îngîltereyê kongreyên meclîsan didome. Îro Meclîsa Gel a Kurd a Sheffield-Doncasterê ya li Bakurê Îngîltereyê kongreya xwe ya avakirinê lidar xist û meclîsa xwe a ku ji 37 kes û 6 komîsyonan pêk tê, îlan kir.

Kongreyê bi rêzgirtinê destpê kir û piştre jî pêvajoya siyasî û rêxistinbûyîn hate nîqaşkirin. Di kongreyê de qala Neteweya Demokratîk, pergala konfederal a demokratîk û kêmasiyên xwedîlêderketina Sûr û Cizîrê hate kirin.

Komîsyonên rêxistinkirin, karên derve, jin, ciwan, heq û edalet û maliyeyê hatin damezirandin û Bêrîvan Kurdî û Metîn Aslan ji bo hevserokatiyê hatin hilbijartin.