Wezîrê Karên Derve yê Rûsyayê Sergey Lavrov xwest Konseya Ewlekariyê ya Neteweyên Yekbûyî (NY), li gel komkujî û terora li Kurdên li Rojavayê Kurdistanê tê kirin hemû komkujî û terora li Sûriyê şermezar bike.

Li gorî nûçeya Ajansa Nûçeyan a Rûsyayê RIAN, Wezîrê Karên Derve yê Rûsyayê Sergey Lavrov, piştî civîna bi Wezîrê Karên Derve yê Ganayê re derket pêşberî çapemeniyê û dijwariya li Sûriyê nirxand.

Lavrov ji bo komkujî û terora li Rojavayê Kurdistanê û Sûriyê tê meşandin got, "Divê êdî dawî li vê were anîn. Hêviya me ew e ku Konseya Ewlekariyê ya NY bê şert û merc hemû çalakiyên terorane şermezar bike û helwesteke hevgirtî nîşan bide.

Wezîrê Derve yê Rûsyayê Sergey Lavrov roja Sêşemê jî piştî hevdîtinên Wezîrên Derve û Parastinê ên Rûsya û Îtalyayê di civîna çapemeniyê de axivîbû û gotibû, "Derengketina Konferansa Duyemîn a Cenevreyê wê rê li ber zêdebûna wendahiyên sivîl ên li Sûriyê veke." 
Wezîr bibîrxist ku, hikumeta Sûriyeyê qebûl kiriye ku bê şert û merc heyetê bişîne konferansê.

Li aliyê din jî Wezîra Derve yê Îtalyayê Emma Bonîno di hevdîtinê de got, pêwîste ji îhtîlafa Sûriyeyê ne bileşkerî, bidîplomasî derbikevin.