Li Prezîdent Otelê ya li paytexta Rûsya Moskowayê, 6. Konferansa Kurd saet di 11:00 de dest pê kir. Ji Bakur, Rojava û Başûrê Kurdistanê û ji Rûsyayê gelek kes beşdarî konferansê bûn.
Di destpêka konferansê de Nûnerê Yekîtiya Saziyên Civakî yên Kurd ên li Rûsyayê Araf Azmanî axivî. Azmanî bal kişand ser bûyerên li Rojhilata Navîn diqewimin û statuya Kurdistanê.
Azmanî bibîr xist, ku konferans di salvegera komploya navneteweyî ya 15'ê Sibatê de tê lidarxistin û got, bi vê yekê re peyamek tê dayîn.
YÊN HATINE VEXWENDIN
Ji Bakurê Kurdistanê; parlamenterên HDP'ê yên Rihayê Osman Baydemîr û Dîlek Ocalan, ji parêzerên Rêberê Gelê Kurd Abdullah Ocalan Ebrû Gunay, ji Rojavayê Kurdistanê; Hevseroka PYD'ê Asya Ebdullah, Serokê Meclîsa Rêveber a Kantona Kobanê Enwer Muslim, ji Başûrê Kurdistanê; Parlamenterê YNK'ê Ezzat Sabir Îsmaîl, Parlamenterê Goran Şêrko Hama Amîn, ji Partiya Yekîtiya Îslamî (Yekgirtû Îslamî) Xelîl Îbrahîm Mûhammed, ji Rojhilatê Kurdistanê; nûnerê PJAK'ê Ehwen Çiyako û ji Moskowayê gelek siyasetmedar, akademîsyen, nûnerên saziyên ramanê û rewşenbîr tevlî konferansê bûne.
