Dîwana Hevserokatiya KCDK-E îro ji bo Cejna Paskalyayê ya cîhana Xrîstiyanan daxuyaniyeke nivîskî weşand û cejna Paskalyayê pîroz kir.

KDCK-E di daxuyaniyê de got Mezopotamya cihê ku mirovahî û bawerî lê pêşketî, bihêz bûye û jiyana hevpar ên cuda lê hatiye avakirin. Li Efrînê bi sîstema jiyana hevpar, azad, wekhevî, bawerî û nasnameyên cuda yên Pasklayayê hebû.

‘LI DIJÎ ZIHNIYETA YEKPEREST, DIVÊ EM LI BER XWE BIDIN’

KCDK-E diyar kir ku dewleta Tirk a dagirker dixwaze hişmendiya DAIŞ’ê li Rojhilata Navîn û Mezopotamyayê ava bike û got; “Li dijî vê hişmendiya yekperest, qirker di serî de kesên baweriya Xiristiyan, hemû beşên din ên baweriyê bi berxwedanê têbikoşin.”

KDCK-E di dawiya daxuyaniyê de Cejna Paskalyayê li cîhana Xirîstiyan pîroz kir û wiha got; “Bi baweriya ku aşitî, biratî û azadî li hemû cîhanê bê avakirin, em cejna Paskalyayê li cîhana Xirîstiyanan pîroz dikin.”