Kongreya Civaka Demokratîk (KCD) têkilî salvgera Komkujiya Meraşê îro daxuyaniyeke nivîskî da.

KCD'ê di daxuyaniya xwe de bal kişande ser komkujiyên li Kurdistanê û li ser  nasnameyên din û got, ''Dîroka vê sedsalê li Kurdistanê û Tirkiyê ya li dijî nasname, bawerî, çand û rengên jiyanê yên cuda'', ''bi trajediyên mezin ên mirovahiyê tije ye''.

'KURD Û ELEWÎ KIRN HEDEF'

Bi berdewamî hate gotin ''Li gel ev qas tiştên ku hatine jiyîn û trajediyan jî di vê sed salê de, ji bo ku ev jiyanîn dubare nebin li Kurdistanê û Tirkiyê derfet hene ku li ev sedsal bi jiyaneke bi aştî, demokratîk, dadmend, wekhev û hemû nasname bikaribin bi azadî, bi ronkahî bijîn. Bendewariya gelên me, hewcehî û rastiya berdest a  Rojhilata Navîn jî van geşedanan ferz dike.''

Têkilî Komkujiya 19'ê Kanûnê ya 1977'an a Meraşê jî KCD'ê got, bi komkujiyê hatiye xwestin ku, ''Daxwazên netewî yên Kurdan, têkoşîna demokratîk a beşên cuda ên li Tirkiyê were tasfiyekirin û ji bo vê jî li dijî welatiyên me yên Kurd û Elewî sûcê mirovahiyê û komkujî hatine kirin.''

Di daxuyaniyê de her wiha hate gotin, ''Komkujiya Meraşê di serî de li dijî Kurdan û civaka Elewî li Tirkiyê li dijî hemû derdorên ku jiyaneke mirovî û demokratîk xwestine , ne komkuijiya pêşî û ne jî ya dawî ye. Li djî gelê me û Elewiyan li Dara Hênê, Dersim, Agirî, Zîlan, Koçgiriyê komkujî hatine kirin û ev komkujî li Meraşê, Çorum, Sêwas, Gazî, Amed, Koçgirî, Sûr, Cizîr, Nisêbîn, Şirnex, Enqerê û gelek deverên din hatine dubarekirin û domdarkirin.''
KCD'ê diyar kir ên ku komkujî kirine têne parastin û ji bo dahatuyeke ewle bal kişande ser girîngiya  têkoşîna hevpar.