Polîtîkayên qetlîamker ên hikûmeta AKP'ê bi nêzîkbûna hilbijartinên 1'e Mijdarê re zêde dibin. Li gelek bajaran girtin û binçavkirin her dewam in.

STENBOL

Li Stenbolê di 2'ê Cotmehê de di çarçoveya operasyonên qirkirina siyasî de 51 siyasetmedarên kurd hatibûn girtin û piştî duh îfadeyên wan li dozgeriyê hatin girtin 24 siyasmetmedar serbest hatin berdan û 27 kes jî bi daxwaza girtinê sewqî dadgehê hatibûn kirin. Karên îfadeyên 27 kesan heya serê sibê li dadgehê berdewam kir. Piştî îfadeyan heyeta dadgehê ji bo biryarê navber da û piştre biryara girtina 15 kesan da. Navên siyasetmedarên kurd ên hatin girtin wisa ne: Ayşe Karadag, Tengazer Yilmaz, Meliha Varişli, Ramazan Kirkpinar, Senar Ok, Emîn Ang, Subutay Açik, Zafer Kirik, Îsmaîl Kûrt, Betul Katûrman, Huseyîn Gungor, Seyfettîn Peker, Emîn Acar, Abdurrahîm Yazol û Cafer Aydogmûş.

ENQERE

Li Enqereyê jî di serdegirtina malan de 19 kesên xebatkarên HDP û KCD'ê hatin binçavkirin. Navên binçavkiriyan ên hatine zelalkirin ev in: "Hevseroka HDP'ê ya Çankayayê Oznûr Şahîn, endamê Egıîtm Senê Mazlûm Bîrcan, Sevîm Guçlu, Şahîn Bardakçi, Hatîce Çevîk, Zekî Altûn, Ezgî Îslam, Dîlan Erdogan û Necdet Yalçin."