`Li Parîsê êdî şembelot nayên firotin`,

Darên sertewyayî xwîn digirîn,

Niha keçên ciwan bi xemgînî li stêrkan dinêrin...

Dema xort bi hêrs li cîhanê temaşe dikin, bi çilmisîbûneke sivik-î kûr a hebûnê dijîn..

*** *** ***

Ji Dêrsimê heta zindana Amedê,

Ji Bekayê berbi çiyayên bi bêhna rihan û simbilan ve,

Jiyana jinekê ku ji wir jî, dirêjî Ewrûpayê dibe ku li himberî sîstema mêr û kedxwariyê çoknade erdê, bejna xwe natewîne û ji prensîbên xwe tawîzan nade

divê hûn teqez lê teqez hûn wê nasbikin..

*** *** ***

Yekemîn keça bi hirs,

serhildêr,

sernetewyayî, jîr û çeleng

a Dêrsimê:

SAKÎNE CANSIZ...

*** *** ***

Sakîne Cansiz, wê hertim weke jineke Kurd a berxwedêr were bibîranîn ku li zindanan û her devera ew lê bû, pişt li kedxwaran dişkand...

*** *** ***

Jina herî

bi helwest û helwestgir

herî canfeda

herî bi rik

herî bi biryar

herî bi erdem: Sakîne Cansiz

*** *** ***

Ger bi hingivî, wê bibe xwîn û bi boşî biherike,

Ger lê binêrî, wê rondikên wê bibin xemgînî mîna lehiyê biherikin,

Ger himbêz bikî wê bibe feryad û fîxan li çiyayan olanan vede,

Dema hêrs bibe dibe serhildan jina serhildêr a Dêrsimê