Komek akademîsyen, hunermend, nivîskar, rojnamevan, siyasetmedar, hiqûqna, doktor, pêşengên baweriyê û rûspiyên Kurdistanê yên bi raman û parçeyên cude yên Kurdistanê û derveyî welat nameyek hevpar ji Seroka Parlamentoya Herêma Başûrê Kurdistanê Xatûn Rêwaz Fayiq re şandin.

Rewşenbîran di nameyê de bal kişandin ser planên dagirkerên Kurdistanê û gotin, ''Pêwîst e ku em li hemberî wan pilanên qirêj û gemar ên dijmin rawestin. Erka welatparezî û niştimanî ew e ku em bi hevre dest bide destên hev û pilana xeter a dijmin pûç bikin.''

Nameya ku rewşenbîrên bi ramanên cuda û ji hemû parçeyên Kurdistanê û dîasporayê ji Seroka Parlamentoya Herêma Başûrê Kurdistanê re şandine, wiha ye:

'Na Ji BoDagirkeriyê - Na Ji Bo Şerê Xwekujiyê''

Xatûn Rêwaz Fayiq,

Em akademisyen, hunermend, nivîskar, rojnamevan, siyasetmedar, doktor, huqûqnas, pêşengên bawerî û qenaetan ên Kurdistaniyên ji cuda nêrîn û parçeyan, bi kurtayî yên li derveyî welat li Ewrupa, Qeneda, Avustralya, Rûsya, Ermenistan, Amerîka û Çîn dijîn, di nav de bi navê 1506 îmzekirên wê, namê û bangawaziya di pêvek de peşkêşê we dikin.

Eşkere ye ku gelê Kurdistanê bi salan e di bin zext û zoradariya dagirkeriyê de ye. Tu cara dewletên dagirker zulm û zorên xwe li ser gelê me nesekinandine. Lêbelê, rixmê wan zulm û zordarîyan jî, erişên cuda cuda li ser gelê Kurdistanê di vê demê de zêde kirine.

Lêbelê em, ji her wextê zêdetir îro, ji azadî û rizgarîyê re nêzîktir bûne. Hêviya gel, ji her wext zêdetir e. Firsendên serkeftin û azadî û çêkirina statuya azad ji bo gelî Kurdistanê li pêşîya me ne. Îro, dewletên dagirker, bi taybet dewletaTirk, wekî neyarê herî mezin ê gelê Kurdistanê, ji her wextê zêdetir duçarî êrîşan e. Ji ber ku di nav qeyranek mezin a siyasî, leşkerî, civakî, aborî û dîplomatîk de ye. Ev derfetê dide Kurdan ku vê dewleta nijadperest û neyar têk bibe. Ji ber wê jî berjewendiyê gelê Kurdistanê nîne, ku hêzek a Kurd xwe bike dardest û amûrê destê dewletaTirk û rê ji bo şerê Kurdkujî û xwekujî li ser gelê Kurdistanê ferz bike. Pêwîst e ku em li hemberî wan pilanên qirêj û gemar ên dijmin rawestin. Erka welatparezî û niştimanî ew e ku em bi hevre dest bide destên hev û pilana xeter a dijmin vala derxînin.

Eger şerek derkeve holê, ew şer tu cara şerê gerilla û pêşmerge nîne. Îro tu cara pêşmerge û gerîllayên azadî ne amade ne ku şerê hevdû bikin. Ji ber ku dizanin ew şer, şerê dewletaTirk e, ku li ser gel, statû, hebûna îradêya gelê Kurdistanê dimeşine. Pêwist e ku tevahîya partîyên siyasî, bi taybet ên ku di koalîsyona huqumeta Herêma Kurdistanê de ne, bi aşkere û bê tirs destên xwe li ser birinê deynîn û rêya li pêşiya pilana dijmin bigrin.

Pêwist e bi zelalî destnişana wan hêz û malbatan bikin ku amadene gelê Kurdistan û destkeftên wî bikin qurbanî berjewendiyên xwe?

Li ser navê hezaran kes û zarokên gelê Kurdistanê li tevahiya cîhanê, wekî kesayetîyên Kurdistanî, rewşenbîr, akademisyen û xelkên dilsoz ji bo ax û gelê Kurdistanê, bang li gelê xwe dikin ku bila tev bi hevre rîya li pêşîya vî şerê xwekujî ya malwêranker bigrin. Dest li ser wijdana xwe deynin û bi awayekî zelal sedem û rastiya vê rewşê bibînin û pilana dijminên gelê Kurdistanê betalbikin.

Serbilindî û serkeftin ji bo xebatkar û canfedayên gelê Kurdistanê ye. Şehidên me yê Pêşmerge û Gerillayên Aazdiya Kurdistanê, rûmet û nasnameya welatê me ne. Em li hêviya pêşerojek e aram, zelal û azad in ji bo gelê bi rûmet û bi hurmet ê Kurdistanê.

Li gel silav û rezan

• Prof. Dr Kirmanc Gundi, Mamostê Zaningeha Tenesse, Amerika

• Nejmedîn Xulamî, Hunermend, Swed

• Kinyazê Hemîd, Parlementerê Parlamena Ermenistan

• Zozan Deriki, Endama Rêvebirya PYD, Ewrupa

• Dr. Seevan Saeed, Namzetê Profêsorîyê, Zanîngeha Shaanxî, Çîn/Sîn

• Gunay Aslan, Rojnamevan-Nivîskar, Almanya

• Meran Merawdali, Nûnerê Tevgêra Gorran li Ewropa

• Mansour Razaghi, Rojnameger, Avusturaliya

• Kawe Cebarî, Cîgirê Serokê Mala Kurd Li Toronto, Kanada

• Sasan Mêhrabî, Endama Şewra Rêveberî ya Platform Yarsan, Swed

• Jalanê Neqişbendî, Rojnamevan, Almanya

• Ezîzê Cewo, Rojhilatzan, Nivîskar, Rûsya

• Dr. Osman Ismail, Mamosteyê Zanîngeh, Brîtanya

• Dr. Dana Said, Doktor, Almanya

• Hecî Hasan Bîsso, Nûnerê Partîya Azadî û Demokrasîya Êzîdiyan (PADÊ) Ewrupa

• Yaşar Kuçukaslan, Partiya Azadiya Mezopotamya (Partiya Aşûriya), Swed

• Mehmûd Dawid, Endamê Komîta Partiya Demokrat a Kurdî Sûrî ya Ewrupayê

• Leyla Imret, Hevberdevka HDP’a Elmanya û Hevseroka Şarederiya Cizîrê ya Berê

• Nûpel Mûnzûr, Endama Rêveberiya Tevgêra Jinên Kurdistanê (TJK-E), Ewrupa

• Mehemed Norî, Nûnerê Cebha Feylî li Europa, Swed

• Cano Şakir, Helbestvan û Rojnemevan, Almanya

• Çiçek Yildiz, Hevseroka Nav Yek û Kordinasyona Ezdiyên Derwayê Welat, Almanya

• Kadar Pîrî, Saziya Kurdên Bê Sînor û Rojnemevan, Fransa

• Mohamad Hajî Ahmad Zeba, Berpirsiyarê Rêxistiana Hizbî Şûî Kurdistan, Almanya

• Sabri Eryigit, Berpirsiyarê PÎK'ê (Partîya Islamiya Kurdistan) Ewrupa

• Zerdeşt Horamî, Platforma Horam- Britanya

• Dr. Zeynep Binici, Doktor Kardiolog - Danimarka

• Davut Ovseme, Nûnerê Rêvebiriya Civaka Îslamiya Kurdistanê, Almanya

• Necdal Dişli, Parêzer, Almanya

• Mihemed Bellî, Partiya Çep a Kurd li Sûriyê - Ewrupa

• Demir Çelik, Hevserokê FEDA (Federasyona Elewiyan a Demokratîk)

• Dr. Adnan Emin, Psikolog, Kurdische Gemeinde Stuttgart

• Dr. Rizgar Qasim, Serokê Tevgêra Nûjen a Kurdistan – Sûryê

• Mahdi Korî, Hîzbî Zahmatkêşanê Kurdistan - Ewrupa

• Yuksel Koç, Hevserokê KCDK-E (Kongreya Civakên Demokratik a Kurdıstanîyên li Ewropa)''