Navenda Giştî ya ÎHD'ê, lîsteya binpêkirinên dema dengdayînê yên li gelemperiya Tirkiyeyê weşand.

Li gorî vê yekê, lîsteya hin ji binpêkirinan bi vî rengî ye:

-Çavdêrên ÎHD'ê yên hilbijartinê li Sêrt û Kirikkaleyê rastî astengiya polîsan hatin. Polîsan nehiştin çavdêr bikevin hundirê dibistanan. Bi awayekî lezgînî YSK hatiye agahdarkirin û hatiye xwestin dest li rewşê bê werdan.

-Li sindoqên bi hejmarên 1129 û 1130 ên li gundê Golbaşi Karaoglan ên Enqereyê, gef li çavdêrên HDP'ê hatiye xwarin û ji cem sindoqê hatine dûrxistin.

-Li Lalahan a Enqereyê çavdêrên HDP'yî hatine qewirandin.

-Li Dibistana Seretayî ya Haci Celal Oto ya Aydinê 3 çavdêrên HDP'ê hatine astengkirin. Li Lîseya Pîşeyê Endustrî ya Mîmar Sînan çavdêrên AKP'yî li sindoqa bi hejmara 2774'an desteya sindoqê asteng kirine û bi qasî saetekê deng nehatiye bikaranîn. 

-Li bajarokê Sûngû yê navçeya Mûş Haskoyê, namzetê AKP'ê Abdûlselam Er bi cerdevanan hatiye Dibistana Hurriyetê ji bo deng bikar bîne.

-Li Îdirê sindoqa ji 350 dengî, ji ber pisûla bê mor in hatine betalkirin. Hat ragihandin ku piraniya hilbijêrên li herêmê HDP'yî ne.

-Li Keçîoren a Enqereyê AKP'yî bi nîşandana nîşaneya Rabîa re hewl didin bandorê li hilbijêran bikin.

-Li Denîzlî gilî tê kirin ku li taxên xizan, wêneyên dengê hilbijêran hatine kişandin.