Êrîş û tehdîdên AKP’ê yên li ser destkeftiyên gelê Kurd didome.

Berdevkê Serokkomarê Tirkiyeyê Îbrahîm Kalin bi daxuyaniyekê diyar kir ku ji bo dagirkeriya Efrînê amadekariya hemû tiştan hatiye kirin.

Kalin got: “Heke pêwist be, em ê têkevin Efrînê. Ji bo operasyonê her tişt temam e. Tirkiye ji bo ewlekariya xwe, wê di dem û cihên pêwist de mudaxeleyê bike.”

Kalin têkildarî herêmên bê şer ên ku di civîna Astanayê bi Rûsya û Îranê de li hev kiribûn jî ev tişt got: “Çarçoveya wê herêmê bi hevdîtinên bi Rûsya û Îranê re diyar bû. Êrîşên hewayî hatin sekinandin. Em hewl didin ku ev wisa bidome.”

Kalin ji bo referandûma li Başûrê Kurdistanê jî wiha anî ziman: “Me hişyariyên pêwist kir. Heke bi paş ve gavan biavêjin em ê bi erênî nêz bibin.”