Serokwezîrê Venezuellayê Hugo Chavez ku ji ber nexweşiya penceşêrê jiyana xwe ji dest da, duh êvarê li Stockholmê hat bibîranîn.

Şahiya ku ji aliyê Resolver (Piştevaniya bi Venezuella) a ji Latîn Amerîkayên li Swêdê dijîn pêk tên hat organîzekirin, rewşenbîr û nûnerên rêxistinên girseyî yên Swêd, Filistîn, Latîn Amerîka û Afrîkayê axivîn. Her wiha komên muzîkê jî stran û sirûd gotin.

 Serokê Komên Latîn Amerîkayê Francîsco Cantreras diyar kir ku, Chavez ji bo ku şert û mercên jiyanê yên xizan û karkan sererast be û pergaleke adîlane bê avakirin têkoşiyaye û  ji ber vê rastî êrîşa emperyalîst û bûrjûwayan hatiye.  Contreras da zanîn ku, dê Chavez û nêrînên wî her tim ji bo gelê Latîn Amerîkayê bibe çavkanî.

Nivîskar û rojnamgerî Swêdê Goren Greîder jî axivî û got, ew difikirî ku bal bikişîne ser gotinên nefretê yên li hemberî Chawez yên Swêdê, lê got hewce nîne bersivê bide van sûcdariyan û got ji Chawez helbestek nivîsiye.

Di helbesta Greîder de behsa têkoşîna Chavez tê kirin û got, Chavez ji bo DYA û Bûrjûvazî tirsandiye rastî sûcdariyan hatiye, bûye hedef.

Serokê Komeleya Çanda Filistinê Nael Tauqan jî di axaftina xwe de  bi erebî ji Chavez re got; Chavez Em ji te hez dikin’ û got Chavez li dijî kapîtalîzm û emperyalîzma gelên cîhên têkoşîneke mezin daye .

Koma Muzîkê ya Şîlîlî stran û sirûdên Vîctor Jara û Vîolete Parra xwendin û komên muzîkê yên Kolombiya, Perû, Bolîvya û El Salvador jî ji bo bîranîna Chavez gotin.