Kovara psîkolojiyê Psychology Kurdî bi hijmara  7'an kete ber destê xwendekaran. Kovar bi xebateke kolektîf dertê. Edîtorên kovarê dibêjin girîng e ku bi zimanê dayikê bersiv ji bo pirsan werin dîtin. Edîtorên kovarê diyar kirin ku bi Kurmancî û Kirmanckî jêder û materyal kêm in û ji ber vê jî di mijara termînolojiyê de hinekî zehmetiyan dikişînin.

Edîtorên kovarê gotin, ''Kurdî bi teqezî di van qadan de divê hebe. Ev ê ji bo me pir biber ve. Helbet wê bandorê li tenduristiya giyanî ya civakê bike ku mirov bikaribe bi zimanê dayikê derdê xwe yê yê psîkolojîk vebêje û çareseriya wê bi zimanê xwe bibîne. ''

Kovara Pyschology Kurdî ku di hijmara dawî de li ser mijara 'Xislet' (Karakter) rawestiyaye. 

Di hijmara pêşî de kovarê mijara ''Zarok, Şer û Travma' da ber xwe û du ya duyan jî, weke berdewamiya mijara pêşî, ''Tedawiya Travmayê'' dabû ber xwe.

Di hijmara sêyan de kovar li ser mijara 'Şînîgirî, Şînigiriya Civakî û Pêvajoyên' wê rawestiyabû û têkilî mijarê hevpeyvînek hatibû kirin.

Di hijmareke piştî vê de jî kovarê mijara 'Zimanê Dayik û Psîkolojiya Perwerdehiyê'' dabû ber xwe. Di vê hijmarê de bi  Deham Evdilfettah re hevpeyvînek hatibû kirin û her wiha bi Prof. Dr. Cem Kaptanoglu re jî li ser 'Terapiya Piştgir' ropartajek hatibû kirin.

Hijmara 5'an bi mijara ''Psîkolojiya Civakî'' û ya 6'an jî bi mijara ''Made û Pêgiriya bi Madeyê'' derketibû.