Serokkomarê AKP'yî Tayyîp Erdogan di civîna koma partiya xwe de li ser rojevê axivî. Erdogan diyar kir ku wê sibe bi heyeta Partiya Demokrasî û Wekheviyê ya Gelan (DEM Partî) re hevdîtinê bike.

Erdogan got, "Em ê vê pêvajoya ku weke Tifaqa Cûmhûr bi hesasiyet û sebreke mezin dimeşînin, ji bo xêra welatê xwe bi encam bikin. Em ê sibe bi heyeta DEM re hevdîtinê bikin û îradeya xwe ya ji bo pêkanîna armanca xwe ya Tirkiyeya dûrî ji terorê piştrast bikin. Bi Tirk, Kurd, Ereb, Elewî û Sûnî em ê hem herêma xwe, hem jî welatê xwe ava bikin. Ya ku li AK Partiyê, li Tifaqa Cûmhûr tê, ev e."