HDP'yiyên hatin binçavkirin û rêveberê ÎHD'ê rastî îşkenceyê hatin
Hat ragihandin, ku HDP'yiyên duh bi şev li Bagcilarê hatin binçavkirin û endamê Desteya Rêveber ê ÎHD Şaxê Stenbolê Ahmet Demîrsoy ê nexweşê kanserê, rastî îşkenceya polîsan hatine.
Li navçeya Stenbol Bagcilarê, nêzî 40 kesên li hemberî êrîşên faşîstan li ber avahiya HDP'ê ya Navçeyê nobed digirtin, ji aliyê polîsan ve hatin binçavkirin. Hat ragihandin ku di dema birina Emniyetê de îşkence li 40 kesan hatiye kirin.
Endamê Desteya Rêveber a ÎHD Şaxê Stenbolê Ahmet Demîrsoy ê nexweşê kanser kezebê ye, ku di êrîşa bombeyî ya duh bi şev de rewşa wî nebaş bû, rastî îşkenceya polîsan hat.
