Hevserokên HDP'ê yên Îzmîrê nerazîbûn nîşanî êrîşên li hemberî partiya xwe dan.

Hevserok Cavît Ûgûr û Dîlek Aykan, der barê êrîşên li hemberî Navenda Giştî ya HDP'ê û avahiyên navçeyan de daxuyaniyek dan çapemeniyê.

Ûgûr di destpêka axaftina xwe de bibîr xist ku di sala 1938'an de sûîqeste li Parîsê weke hincet hat nîşandan û li dijî Yahûdiyan êrîşê destpê kirin û got, "Sedema êrîşên li hemberî HDP a nehişt hikûmeta Tayyîp Erdogan bi tena serê xwe bibe desthilatdar, gelekî zelal û li pêş çavan e."

Ûgûr bal kişand ser rola Rêberê Gelê Kurd Abdullah Ocalan a ji bo sekinandina rewşa şer û xwest hevdîtin û muzakere ji nû ve destpê bikin.

Ûgûr got, "Bi hevkariya AKP-MHP'ê re li Tirkiyeyê duh prova şerekî navxweyî hatiye kirin. Li Îzmîrê di serî de avahiya me ya bajêr, li hemberî avahiyên me yên navçeyên Bergama, Kemalpaşa, Dîkîlî, Bûca, Bornova, Menderes, Torbali û Tîre AKP-MHP'ê û li hin cihan jî rêveberên CHP'yî êrîş kirine."

'EM BÊDENG NEMÎNIN'

Ûgûr diyar kir ku ew bi zîhniyetekî welê re rû bi rû ne, ku îşkenceyê li cenazeyê gerîla dike û bang li her kesî kir ku li hemberî vê rewşê bêdeng nemînin.