Serokê Giştî yê CHP'ê Kemal Kiliçdaroglû, piştî komkujiya li Enqereyê xwest bi Hevserokên HDP'ê re hevdîtinê bike. Li gorî agahiyên hatin bidestxistin, Hevserokên HDP'ê Demîrtaş û Yuksekdag wê bi Kiliçdaroglû re hevdîtinê bikin.

Li gorî agahiyên ji çavkaniyên HDP'ê hatine wergirtin, Hevserokên HDP'ê Selahattîn Demîrtaş û Fîgen Yuksekdag, bersiva erênî dane daxwaza hevdîtinê ya Kiliçdaroglû. Ji ber merasîmên cenaze û serxweşiyê yên mirovên di komkujiya li Enqereyê de jiyana xwe ji dest dan, dema hevdîtinê nehatiye diyarkirin. Lê belê tê gotin ku rayedarên HDP û CHP ji bo diyarkirina roja hevdîtinê, di nava hewldanan de ne.

Serokê Giştî yê MHP'ê Devlet Bahçelî jî bersiva neyînî dabû daxwaza hevdîtinê ya Kiliçdaroglû.