Li bajarê Hannover ê Elmanyayê greva birçîbûnê ya ji bo şikandina tecrîda giran a li Îmraliyê li avahiya Partiya Çepgir a Elman (Dîe Lînke) di roja 5'an de bi daxuyaniya çapemeniyê bi dawî bû. Çalakgeran piştî daxuyaniya çapemeniyê dirûşmeyên 'Bijî Serok Apo', 'Bê Serok jiyan nabe', 'Jin, Jiyan, Azadî' û 'Bijî Berxwedana zindanan' berz kirin.

Li pêşiya avahiya Partiya Çepgir belavokên bi zimanê Elmanî hatin belavkirin. Bi dehan Kurdistanî û dostên wan ên li bajarê Hannover û derdora wê serdana çalakiya greva birçîbûnê kirin û piştgirî dan çalakgeran.

Wê 22'ê Kanûnê saet 14'an li pêşiya stasyona trenê (HBF) meş were lidarxistin. Çalakgerên greva birçîbûnê banga li Kurdistanî û dostên wan kirin ku bi xurtî tevlî meşê bibin.