Giliya sûc li Norwec, Hollanda, Polonya, Yewnanistan, Komara Çekê, Slovenya û Swêdê hate kirin. Daxwaznameya giliyê xwe dispêre lêkolîneke rêxistineke bikarhêneran a Norwecê.

Rêxistinê diyar kir ku Google ‘ji bo şopandina bikarhênerên xwe dest bi dîzayn û agahiyên xapînok kiriye.’

Berpirsê rêxistinê Gro Mette Moen got ku, “Google bêyî ku xwe bispêre bingeheke hiqûqî, li ser agahiyên takekesî disekine û bi têknîka manîpulasyonê van agahiyan bi dest dixe.”

Rexne tê kirin ku Google bi ‘rabirdûya cih û waran’û ‘çalakiyên Web û sepandinan’ bikarhênerên xwe dişopîne.

Rêxistinê diyar kir ku bi daneyên cih û warên ku bikarhêner lê ye, tevger, cihên ku ew her dem diçiyê, rûtînên rojane û eleqedariyên takekes dikare were şopandin. Rêxistinê bal kişand ser vî tiştî ku bi vî tiştî re baweriyên olî, meylên siyasî û zayendî yên kes dikare were fêmkirin.

Rêxistina ji Norwecê bi daxwaza ku bila Google dev ji vê pêkanîna ‘îllegal’ berde û xwest bila lêpirsîn li Googleyê were vekirin.

Li gorî lêkolîan Norwecê di pergalên Androîd de zehmet e û 70 ji sedê telefonên li Ewrûpayê bi vê pergalê re dixebitin.

Komeleya Bikarhêneran a Hollandayê Consûmentenbondê jî bang li Googleyê kir ku bila dev ji vê pêkanînê berde.

Googleyê jî xwe parast û got ku, “Rabirbûya cih û waran dikare were sekinandin û guherandin an jî jêbirin. Heke çalak be, li ser rêya bikarhêner ji bo başkirina xizmeta çûnûhatinê sûda wê heye.”