Wezîrê Karên Derve yê Fransayê Jean-Yves Le Drian, diyar kir ku ji bo darizandina DAÎŞ'iyên biyanî yên di destê Hêzên Sûriyeya Demokratîk (QSD) de ne, "mekanîzmayeke darizandinê ya navneteweyî" tê lêkolîn.
Le Drian ji rojnameya Le Parisien re axivî û got, "Em gengaziya avakirina mekanîzmayeke hiqûqî ya taybet lêkolîn dikin."
Li gorî Wezîrê Karên Derve, mekanîzma dibe ku ji ber mînakên mekanîzmayên navneteweyî yên li Kosova û parzemîna Efrîkayê bê amadekirin.
Rêveberiya Xweser a Bakur û Rojhilatê Sûriyeyê pêşniyar kiribû, ku ji bo darizandina çeteyan li herêmê, dadgeheke navneteweyî bê avakirin.
