Nîjadperest li her derê bi piştgiriya polîsan êrîşên lîncê pêk tînin. Bi hezaran nîjadperest bi dirûşma, "Em ne operasyonan, komkujiyê dixwazin" ketin Taxa Tûzlûçayirê û xwestin malan bişewitînin. Gelê taxê jî li dijî êrîşan parastina rewa pêş dixe.

 Li gelek bajarên Tirkiyeyê êrîşên nîjadperestan ên li ser gelê Kurd û avahiyên HDP'ê zêde bûn. Bi hezaran nîjadperest li hev kom bûn û bi dirûşma, "Em ne operasyonan, komkujiyê dixwazin" ketin nava Taxa Tûzlûçayirê. Li aliyê din barîkatên gel ên li dijî êrîşan didome. Nûnerên saziyên demokratîk li Kolana Abîdîn Aktaş û gelek kolanên din barîkat danîn û destûr nadin ku nîjadperest têkevin nava taxê. Ji 7 salî heta 70 salî tevlî barîkatê dibin û li dijî êrîşa nîjadperestan taxê diparêzin. Zarok, ciwan, kal û pîr bi kevir, dar û beran kolanan diparêzin û destûr nadin ku nîjadperest têkevin nava taxê.

Gelê ku li kolanan li dijî nîjadperestan di ber xwe dide jî bi dirûşman "Silav ji Cizirê re" li ber xwe didin.