Serokkomarê Tirk Erdogan ê hat Êlihê, înkara pirsgirêka Kurd dewam kir û got, "Yek millet, yek al, yek dewlet; em ê wiiha rêya xwe bidomînin."

Serokkomarê Tirk Recep Tayyîp Erdogan, li Kawşaxa Emniyetê ya Êlihê mîtîngeke bi tevlîbûneke kêm li dar xist. Erdogan di axaftina xwe înkara xwe ya pirsgirêka Kurd dewam kir, ji daxwazên demokratîk re got, “Parçeker” û careke din got, “Pirsgirêka Kurd nîne”.

Erdogan ê di gotina "Yek millet" û "Yek al" de israr kir got: "Bila kesek zehmet neke, milet, welat, ala me hilweşîne û vala vala welatê me parçe bike. Bi gotina ‘Kurd’, 'Tirk', 'Ereb', 'Abhaz', 'Gurcî', 'Roman' ev milet parî parî parçe kirin. Yek millet, yek al, yek dewlet; em ê wiiha rêya xwe bidomînin."