Çalakî ji aliyê Tevgera Ciwanên Şoreşger ve hate organîzekirin û zêdeyî 300 kes tevlî bûn. Rewşenbîr, doktor û xwendekarên Kurd ên tevlî çalakiyê bûn, piştgirî dan Rojava.

Di çalakiyê de daxwaza azadiya Rêberê Gelê Kurd Abdullah Ocalan hate kirin û stranên bi Elmanî yên li ser Rojava hatin gotin.

Çalakgeran li pişt pankarta bi nivîsa "Azadî ji Kurdistanê re - Kobanê biparêzin" meşiyan û alên YPG'ê hildan. Lê belê polîsên Elman hewl dan alên YPG'ê ji çalakgeran bistînin.

Tevgera Ciwanên Kurd diyar kir ku helwesta polîsan ne ya qebûlkirinê ye û bang li hemû ciwanên şoreşger kir ku li ber krîmînalîzasyonê rabin.