Li Yewnanîstanê ku îro hilbijartina pêşwext pêk hat, li gor encamên anketên di sindoqan de Syrîza partiya yekemîn e.

Li gor anketên di sindoqan de, Koalîsyona Çepa Radîkal a di serokatiya Aleksîs Çîpras de ji sedî 30-34 deng wergirtiye. Partiya muxalefetê ya bingehîn rasta muhafezekar Demokrasiya Nû (ND), ji sedî 28-32,5 deng wergirtiye. Berbanga Zêr a nîjadperest ji sedî 6,5- 8, partiya çep a alîgira Yekîtiya Ewropa To Potamî ji sedî 4,5-7 deng wergirtiye.

Tê texmînkirin ku tifaqa Partiya Sosyalîst a Panhelenîst (Pasok) û Çepa Demokratîk Sol (Dîmar) di navbera ji sedî 5,5-7 deng wergirtiye. Serbixwe (Anel) a meha Çile bi Syrîza re koalîsyon kiribû benda ji sedî 3 bi zehmet be jî derbas kiriye. Tê texmînkirin ku Laîkî Enotîta ya kesên ji Syrîza veqetiyan ava kirin, wê di navbera ji sedî 2,5 û 3,5 deng werbigirin.