Çalakiya bîranînê saet 15:00 li Navenda Civaka Demokratîk a Kurd li Wûppertalê bi deqeyeke rêzgirtinê ji bo bîranîna şehîdan dest pê kir. Xizmên şehîd Emad Aslan, nûnerên Saziya Malbatên Şehîd û Windayan li Ewropayê (KOMAW) û gelek Kurdistanî tevlî bûn.

Nûnerê KOMAW'ê li vir axivî û bal kişand ser têkoşîna bi rûmet a li çar parçeyên Kurdistanê, ku dijî dijminên mirovahiyê tê meşandin û di vê têkoşînê de gelek şehîd hatine dayin.

Bi navê malbata şehîd jî axaftin hate kirin û hate gotin, "Emad jiyana xwe diyarî azadiya Kurdistanê kir, di vê oxirê de bi lehengî şer kir û şehîd bû. Em ê jî xwedî li têkoşîna wî ya bi rûmet derkevin û her tim dilsozê bîranîna wî bin."

Piştî axaftinan, çalakiya bîranînê bi qîrîna dirûşma "Şehîd namirin" qediya.