Kurdistaniyên li Elmanyayê li Hannoverê dijîn li pêşiya Sefaretxaneya Tirkan ji bo tendirustiya Rêberê Gelê Kurd Abdullah Ocalan hatin ba hev. Nêzî 400 kes beşdarî çalakiyê bûn û Serokê Meclîsa Hannoverê Ciwan Çewlik diyar kir, heta ku ew ji Ocalan agahiyan werbigirin ew ê çalakiyên xwe bidomînin.

Li Hîldesheîmê jî wê saet di 17.00’an de mîtîng û meşek were lidarxistin.

EDÎNBÛRG

Li Îskoçyayê jî li Edînbûrgê Kurd ji bo Ocalan daketin qadan. Bi dehan Kurd li pêşiya Parlementoya Îskoçyayê hatin ba hev û xwestin saziyê navneteweyî ji bo tendirustiya Ocalan têkevin nav hewldanan.

HÛLL

Li Bakurê Îngîltereyê li bajarê Hûllê jî Meclîsa Gel a Kurd daketin qadan û ji bo Ocalan belavok belav kirin û gotin: “Nûçeyên qirêj ên vê dawiyê me dixe nav fikaran. Azadiya Ocalan gelê Kurd di serî de azadiya gelan e.”

Çalakvanan xwestin ku bila hevdîtina Ocalan a bi parêzer û malbata wî were kirin.