Dergahên Elewî yên li Fransayê, bi qîrîna dirûşmên "Em ê serî li ber zaliman netewînin", "Bi berxwedanê re em ê bi ser bikevin", "Em ê destûrê nedin tarîtiya AKP'ê" çelenga reş danîn ber Sefaretxaneya Bilind a Tirkiyeyê ya li Parîsê. Elewiya piştre li Dergaya Elewiyan a Pîr Sûltan a Parîsê, ji bo sê rojan dest bi çalakiya greva birçîbûnê kirin.

Çalakgeran gotin, "Di serî de pêşengên baweriya Elewiyan ên li Ewropayê dijîn, em bang li rewşenbîr, jin û ciwanên Elewî, hemû Elewiyên Sersor, raya giştî û rêveberên welatên Yekîtiya Ewropayê ku naxwazin bibînin, bibihîzin û biaxivin dikin, ku bi wijdanî tevbigerin" û ji Elewiyên li Fransayê xwestin ku piştgiriyê bidin çalakiya wan. 

Çalakgeran dan zanîn ku divê Elewî biherikin nava kolanan û destnîşan kirin, ku ji bo pêşî li qirkirina Kurdan a li welatê xwe bigirin, wan dest bi vê çalakiyê kirine.

Saziyên ku beşdarî vê çalakiya bi pêşengiya Federasyona Elewiyan a Demokratîk li Ewropayê (FEDA) bûne, ev in:

Federasyona Elewiyan a Demokratîk li Ewropayê (FEDA)-Fransa
Dergaya Elewiyan a Pîr Sûltan li Parîsê
Komeleya Elewiyan a Demokratîk li Toûloûse
Mala Gel a Pazarcix-Elbîstanê ya li Parîsê
Komeleya Çanda Elewiyan li Varennesê
Komeleya Çanda Sînemîlî li Melûnê
Komeleya Çanda Elewiyan li Vernonê
Navenda Çanda Elewiyan li Dreûxê
Komeleya Mafên Mirovan û Pîr Sûltan li Annecy
Komeleya Karkerên Koçber li Nancy
Komeleya Çandî ya Gelan a Demokratîk li Saînt-Brîeûc