Li hemberî nivîskara pirtûka "Savaşta Barişta Ozgurlukte Dagin Kadin Halî" rojnamevan Arzû Demîr hat vekirin.

Doz bi îdîaya; di pirtûkê de "propaganda rêxistinê kiriye", "bi rengekî vekirî teşwîqa sûc kiriye" û "pesnê sûc û sûcdar daye" hat vekirin.

Nivîskara pirtûkê nûçegihana ETHA û ANF'ê Arzû Demîr wê di rojên pêş de derkeve pêşberî 13. Dadgeha Cezayê Giran a Stenbolê.

Pirtûka ku ji Weşanên Ceylan çap bû, di Mijdara 2014'an de gihaşt ber destê xwendevanan û heta roja îro 7 caran hatiye çapkirin. 

Di pirtûkê de bi rêya tecrûbeyên şexsî yên 11 gerîlayên jin ên li nava refên PKK'ê, rola jin û mêr li çiyê û tecrûbeyên têkoşîna azadiyê ya jinên Kurd vedibêje.