Partiya Demokratîk a Gelan (HDP)’ê, li Enqerê starta Hilbijartina Xwecihî ya 31’ê Adarê da. Hevserokên HDP’ê Pervîn Bûldan û Sezaî Temellî, beşdarî civîna danasîna namzetan bûn û wê di civînê de Beyanmaya Hilbijartina Herêmî ya Sala 2019’an bê eşkere kirin. Civîn li Oteleke li Enqerê hat lidarxistin. Rêveber, namzet û gelek kes beşdarî civînê bûn.

Afîşên “Zêdetir meclîsên şaredariyê”, “Zêdetir azadî”, “Zêdetir demokrasiya herêmî û “Zêdetir hêvî” bi salona civînê ve hatin kirin.

Dîsan dirûşmaya sereke ya HDP’ê weke “Bi hevre ber bi demokrasiyê ve” hat diyarkirin. Di vê çarçoveyê de li ser medya civakî kampanyeya #BirlikteDemokrasiye hat destpê kirin.

Piştî Hevserokên Giştî Pervîn Bûldan û Sezaî Temellî ketin salonê, deqeyek rêzgirtin hat girtin û civînê destpê kir.