Federasyona Komeleyên Karkeran a Demokratîk (DÎDF), têkildarî hilbijartinên 1’ê Mijdarê yên li Bakurê Kurdistan û Tirkiyeyê daxuyaniyeke nivîskî weşand.

'AKP’Ê WELÊT VEGUHERAND GOLA XWÎNÊ'

Di daxuyaniyê de hat bibîrxistin ku li Ewropayê di navbera 8-25’ê Cotmehê de wê dengdayîn çêbibin û wiha hat gotin: “Erdogan û partiya wî AKP’ê encamên hilbijartinên 7’ê Hezîranê qebûl nekirin û ji bo ‘400 parlamenteran’ welat di nav 3 mehan de kirin gola xwînê. Erdogan û hikûmeta AKP’ê ya demkî ji bo tena serê xwe bibe desthilatdar; armanca wî HDP’ê di bin bendê de hiştine û ji bo vê nîjadperestiyê  gur kiriye, welat kişandiye nav atmosferek şer. Dibêjin ‘ne çareserî, ne muzakere’, pirsgirêka Kurd bi leşker û polîsan ve; bi şer û pevçûnan ve hewldanên ‘çareseriyê’ dike.”

Di daxuyaniyê de behsa rewşa xerab a kedkar û xîzanan hat kirin û wiha didome:

'EM DENGÊ XWE BIDIN HDP’Ê'

“Em bang li tevahî karker û kedkaran dikin ku piştgiriyê bidin aştî, xwişk û biratiyê. Dengên wê yên di 1’ê Mijdarê de hûn bidin wê bibe parçeyek ji vê keda we. Em tercîha xwe ji bo hesreta gelê Tirkiyeyê ya aştiyê, azadiyê û demokrasiyê bi kar bînin. Em ji rêveberiyên partiyên şer û sermayeyê; ji pêvçûnên li navbera Kurd-Tirkan tê gurkirin û hewldanên îmha û înkarên ên li ser gelê Kurd re bibêjin ‘na’. Em dengên xwe bidin HDP’ê ku bi israr dibêje aştî-xwişk-biratî; mafê kedkaran, ne tehrîbkirina xwezayê, pêşerojeke ciwanan-jinan a azad û wekhev diparêze.”