Li navçeya Mêrdîn Nisêbînê, qedexeya derketina derve di roja 5. de ye. Ketin û derketina navçeyê ji aliyê leşker û polîsan ve tê astengkirin.

Heyeta ji nûnerên Baroya Mêrdînê, Komeleya Mafên Mirovan û Komeleya Hiqûqnasên Mezopotamyayê şaxê Mêrdînê, duh xwest biçe navçeyê, lê destûr ji heyetê re nehat dayîn.

Heyetê tiştên duh jiyîn wiha parvekirin: "Konvoya ji 80 wesayîtan pêk dihat û di nav de parlementerên HDP'ê û nûnerên rêxistinên sivîl ên civakî jî heyî ji ber rêya Nisêbîn-Mêrdîn û Qoserê ji aliyê polîs û leşkeran ve hatibû girtin rêyên din ên alternatîf bikaranîn û heya ketina Nisêbînê çûn. Ji ber bendên fermî yên dewletê konvoy neket navçeya Nisêbînê. Tevî hevdîtinên parlementeran ti encama bi dest nehatin xistin û li ser vê yekê girseyê dest bi sekinandinê kir. Di hevdîtinên bi navenda Nisêbînê re hatin kirin de agahiyên taxên hatin dorpêçêkirin tên topbarankirin û li taxan ceyran hatiye qutkirin hatin bidestxistin. Eger qedexeya kolanan berdewam bike wê pirsgirêkên zexîre û tendûrîstiyê rû bidin."

'KESÊN NEQEYDKIRÎ DI OPERASYONAN DE CIH DIGIRIN'

Heyetê agahiya Mehmet Ermez (17), Ozgur Çiray (37), Cemîl Hemsî (25), Musa Akçîn (65) û Jiyan Erçîk (14) ên di êrîşa polîsan de birîndar bûn li nexwexaneyê tên dermankirin parve kir. Heyetê agahiyekî din a sosret û got "Li gorî agahiyên hatin girtin li navçeya Nisêbînê kesên neqeydkirî di operasyonê de cih digirin." 

Heyetê diyar kir ku qedexeya kolanan binpêkirina mafê jiyanê ye.