Dewleta Tirk li Cindirêsê 2 sivîlên din jî qetîl kir
Hêzên Tirk ên dagirker li navçeya Cindirêsê ya Efrînê carek din sivîl kirin hedef û 2 sivîlên din jî qetil kir.
Li gorî agahiyên hatine wergirtin di topbarana artêşa Tirk a dagirker de 2 sivîlên din jiyana xwe ji dest dan û 3 sivîl jî birîndar bûn.
Hate ragihandin, artêşa Tirk a dagirker û çeteyên wê bi bejahî û hewayî gundê Omera yê navçeya Şerayê bombebaran dike.
Dewleta Trik ji 20’ê Çile ve bi awayekî rêk û pêk sivîl û jîngehên sivîlan dike hedef û sûcê şer dike.
Meclîsa Tenduristiyê ya Kantona Efrînê roja Dûşemê bîlançoya şer ragihand û li gorî bîlançoyê heya niha 192 sivîlan jiyana xwe ji dest dane, 574 sivîl jî birîndar bûne. Bi 2 sivîlên dawî re hejmara sivîlên jiyana xwe ji dest dayîne bû 194.
Li gorî bîlançoyê 28 zarok û 23 jin hatine qetilkirin.
