Tê gotin ku gelek çawişên pispor û polîsên tevgera taybet li Sûrê hatine kuştin û dewlet van kuştiyên xwe vedişêre.

Di navbera hejmara cenaze û birîndarên ji navçeyê tên derxistin û hejmarên fermî yên ji aliyê dewletê ve hatine aşkerekirin de nakokiyên girîng hene. Çawişekî pispor ê ku çend roj berê çavkaniyên herêmî gotibûn 'miriye' lê Fermandariya Giştî ya Tirk ew weke 'birîndar' aşkere kiribû, bi awayekî fermî hat aşkerekirin ku miriye.

Di daxuyaniya Serokatiya Fermandariya Giştî ya Tirk de hat ragihandin, ku leşkerekî din ê birîndar miriye û tedawiya 8 leşkeran dewam dike.