Hevserokê Giştî yê Partiya Demokratîk a Gelan (HDP) Selahattîn Demîrtaş, bi serokê Parlamenta Ewropayê (PE) Martîn Schulz re li Meclîsê hevdîtin kir. Di hevdîtinê de tê payîn ku bûyer û pêşketinên li Tirkiye û herêmê, ewlehiya hilbijartinê, endamtiya Tirkiyeyê ya Yekîtiya Ewropayê (YE) û pirsgirêkên rêveberiyê ya Tirkiyeyê bên nirxandin.

Hat hînbûn ku wê Schulz di çarçoveya serdana xwe de bi wezîrê YE û sermuzakerevan Volkan Bozkir, wezîrê Karê Derve Mevlut Çavuşoglu, Serokê Giştî yê CHP’ê Kemal Kiliçdaroglu, serokwezîr Ahmet Davutoglu, serokkomar Recep T. Erdogan û serokê Meclisê Cemîl Çîçek re hevdîtinê bike. 

Hat hînbûn ku Schulz di roja duyemî ya serdana xwe de wê bi Waliyê Kîlîsê Sulyeman Tapsiz, Waliyê Dîlokê Alî Yerlîkaya û şaredariya Bajarê Mezin a Dîlokê Fatma Şahîn re hevdîtinê bike û piştre jî wê li balafirgeha Dîlokê Oguzelî daxuyaniyekê bide.