Nerazîbûnên gelê K urd li hemberî komkujiya li Parîsê ku di encamê de ji damezrênerên PKK’ê Sakîne Cansiz, nunera KNK’ê ya Parîsê Fîdan Dogan û Leyla Soylemez hatin qetilkirin, dijwar dibin. Kurdên li Almanyayê dijîn dê îro saet di 11.00 de çelengên reş deynin ber balyozxane û nunertiyên Franse yên li Almanyayayê. Kurdistanî dê çekengên reş deyne ber Balyozxaneya Frensî ya Berlînê, û konsolosxaneyên Franse yên li van bajaran Münich, Stuttgart, Saarbrücken, Frankfurt, Düsseldorf, Bremen, Hamburg.

Li hemberî vê komkujiyê dê li gel çelengên reş, nameyeke aşkere ya bi îmzeya Yekitiya Komeleyên Kurd ên Almanyayê (YEK-KOM), Navenda Xebatên Gelemperiyê yên Kurdan (CIVAKA KURD), Buroya Aşitiyê ya Jinan (CENÎ) , Tevna Akademîsyenên Kurd (KURD-AKAD), Yekitiya Xwendekarên Kurdistanê (YXK ) û Navenda Enformasyonê ya Kurd (ISKU) bi sernanava “Em bang dikin ku komkujiya siyasetmedarên Kurd aşkere bikin”, ji balyozê Frensî yê Almanya Maurice Gourdault-Montagne bişînin.

Her wiha dê ji balyoz Maurice Gourdault-Montagne bixwazin ku bersiva nameyê û pirsên derbarê siyaseta Franse ya li hemberî Kurdan bide. Naveroka nameyê dê ji raya giştî re bê aşkerekirin.

Balyozxane, nunertî û konsolosxaneyên ku dê çelengên reş li ber deriyên wan bên danîn wiha ne:

Balyozxaneya Franse ya li Berlînê, Pariser Platz 5

Düsseldorf, Martin Luther Platz 26

Frankfurt am Main, Zeppelinallee 35

Hamburg, Heimhuder Straße 55

München, Heimeranstr. 31

Saarbrücken, Ludwigsplatz 10

Stuttgart, Rotebühlplatz 8