Dagirkeriya dewleta Tirk li Moskowayê hate şermezarkirin
Dagirkeriya dewleta Tirk li Moskowayê bi mîtîngekê hate şermezarkirin ku rêxistinên çep jî tevlî bûn.
Dagirkeriya dewleta Tirk li Moskowayê bi mîtîngekê hate şermezarkirin ku rêxistinên çep jî tevlî bûn.
Êrişên dewleta Tirk ên li dijî Bakur û Rojhilatê Sûriyeyê, li Moskowayê bi mîtîngekê hatin şermezarkirin.
Tevî nûnerên saziyên Kurdan û rêxistinên çep,ü mirovên ji pêkhateyên cuda jî tevlî çalakiyê bûn.
Di çalakiyê de bang li dewleta Tirk hate kirin ku dawî li dagirkeriya xwe ya bi xwîn û giran bîne.
Çalakger doh êvarê li qada DostoyevskaMetero li hev kom bûn û heta qada Svorskaya meşiyan.
Nûnerên rêxistinên ku tevlî çalakiyê bûn li qada mîtîngê axivîn û dagirkeriya dewleta Tirk şermezar kirin. Hevserokê Otonimiya Federal a Çandî ya Kurdan a Rûsyayê Ferhat Patiyev bal kişand ser êrişên dewleta Tirk ên li dijî sivîlan û got, "Êrişa dewleta Tirk a li dijî Rojava qirkirine. Dewleta Tirk û çeteyên wê yên DAÎŞ'ê bi zanebûn êrişî sivîlan dikin û dixwazin herêmê ji mirovan xalî bikin. Beriya çend rojan li dijî tîma alîkariya însanî êriş hate kirin û gelek sivîlan jiyana xwe ji dest dan. Em dixwazin balê bikişînin ser dagirkeriya dewleta Tirk û bikin ku komkujî neyê kirin."
Di çalakiyê de dirûşma 'Bijî berxwedana Rojava' hate qîrîn.