Yekîtiya Tirk-Îslamê ya Karên Diyanetê (DÎTÎB) ku saziyeke diyaneta Tirk e û nêzî 900 mizgeftên xwe li Elmanyayê hene, li bajarê Kolnê civaka xwe ya giştî li dar xist. Di kongreyê de serokê giştî yê DÎTÎB'ê û endamên desteya rêveber hatin hilbijartin.

DÎTÎB salên dawî weke saziyeke propaganda û îstîxbarata dewleta Tirk dixebite. Ji bo DÎTÎB bi temamî bi Enqereyê ve bê girêdan, serokê giştî û alîkarê serokê giştî ji aliyê rejîma Erdogan ve hatin destnîşankirin.

Ji bo serokatiya giştî ya DÎTÎB'ê, muşawîrê Xizmetên Olî yên Sefaretxaneya Bilind a Tirk li Berlînê Kazim Turkmen hate bicihkirin.

Raydarê Xizmetên Olî yê li Konsolosxaneya Tirk a li Kolnê Ahmet Dîlek jî ji bo alîkariya serokê giştî hate wezîfedarkirin.

Ji xwe meha Îlonê heman piştî serdana Serokkomarê Tirk Recep Tayyîp Erdogan a li Elmanyayê, Nevzat Aşikoglû ji serokatiya giştî ya DÎTÎB'ê hatibû dûrxistin û Dîlek ji bo demekê li şûna wî hatibû tayinkirin.

Ahmet Dîlek kesekî welê ye ku ji aliyê îstîxbarata Elman ve ji nêz ve tê naskirin û bi hinceta ku şefê ajanên MÎT'ê yên li nava DÎTÎB'ê ye, lêpirsîn lê hatiye vekirin.