Li Amedê, ciwanê bi navê Mahsûm Çoban ê di xwepêşandanên duh de di encama êrîşa Hîzbûllah/Huda-Pariyan de birîndar bû, jiyana xwe ji dest da.

Hejmara Kurdistaniyên di çalakiyên ji bo şermezarkirina êrîşên çeteyên DAIŞ'ê yên li hemberî Kobanê de jiyana xwe ji dest dan, derket 11'an. Ji ber êrîşa endamên Hîzbûllah/Huda-Par de welatiyekî din jiyana xwe ji dest da.

Ciwanê bi navê Mahsûm Çoban (21) ê duh bi guleya ji tivinga nêçirê ya hîzbûlkontra ji zikê xwe birîndar bû, li Nexweşxaneya Lêkolîn û Perwerdeyê jiyana xwe ji dest da. Cenazyeê Çoban wê di saetên pêş de li Goristana Yenîkoyê bê veşartin.